لبلبة تنفي صورة اللقاء المفبرك مع عادل إمام: مش أنا دي ولا ده الأستاذ

نفت الفنانة المصرية لبلبة صحة الصورة المتداولة مؤخرًا على مواقع التواصل الاجتماعي، والتي زُعم أنها تجمعها بالفنان الكبير عادل إمام في أحد شوارع القاهرة، مؤكدة أنها صورة مفبركة ولا تمت للواقع بصلة.

وفي تصريحات خاصة لوسائل إعلام مصرية، أوضحت لبلبة: "أنا موجودة في الفيوم بقالّي أكتر من 3 أسابيع بصوّر فيلمي الجديد، ومحصلش أي لقاء مع الأستاذ عادل إمام مؤخرًا، والصورة دي غير حقيقية بالمرة".

وأعربت النجمة القديرة عن استيائها من تزايد استخدام تقنيات الذكاء الاصطناعي في تركيب الصور والتلاعب بها، ووصفتها بأنها "أمر مُخيف"، مؤكدة أن مثل هذه الصور تزرع البلبلة وتُشوّه الحقيقة.

وأضافت لبلبة مستنكرة: "زي ما حصل قبل كده لما حطّوا وش سعاد حسني على جسم عارضة.. يعني كده سعاد رجعت؟! ده عبث ملوش أي معنى".

واختتمت حديثها بالقول: "أنا قربت أخلص تصوير الفيلم، وشكلي حاليًا مختلف عن اللي في الصورة، لا دي ملامحي ولا ده شكل الأستاذ، الصورة كلها ملفّقة وتفاصيلها مشوّهة.. واللي بيحصل ده بقى يرعب الناس من فكرة التصوير أصلًا".